वास्तविक खबर समाचारदाता फागुन ३
नेपाली, भोजपुरी, मैथिली लगायत विभिन्न भाषामा गीत गाएर साङ्गीतिक क्षेत्रमा राम्रो नाम कमाइसकेका लोकप्रिय गायक रुद्रसेन विश्वकर्माको भोजपुरी गीत ‘दे दन प्यार गोरी’ को भिडियो सार्वजनिक भएको छ ।
रुद्रसेन क्रिएसन प्रा.लि.को प्रस्तुति रहेको यस गीतमा चर्चित कलाकार सागर लम्साल (बले) र सुन्दरी नायिका शिल्पा पोखरेलको रोमान्टिक जोडीलाई मुख्य भूमिकामा देख्न सकिन्छ । उनीहरूको जोडीले प्रेमिल भावनालाई जीवन्त बनाएको छ भने दर्शकहरूले उनको अभिनय र नृत्यलाई निकै रुचाइरहेका छन् ।
गीतमा रुद्रसेन विश्वकर्मा र प्रतिमा अर्यालको सुमधुर आवाज रहेको छ । शब्द र संगीत पनि रुद्रसेनकै सिर्जना हुन् । आधुनिक संगीतको स्पर्शसहित भोजपुरी लयको उत्कृष्ट संयोजनले गीतलाई विशेष बनाएको छ । प्रमोद (भारत)ले एरेन्जिङ, मिक्सिङ र मास्टरिङ गरेका छन्, जसले गीतलाई मनमोहक बनाएको छ ।
भिडियोको कोरियोग्राफी र निर्देशन प्रदीप कुमार रसाइलीले गरेका छन् । काठमाडौंका आकर्षक लोकेसनहरूमा छायांकन गरिएको भिडियोमा सागर र शिल्पाको जोडीले मनमोहक प्रस्तुति दिएका छन् । पोस्टरमा देखिएको झलक अनुसार भिडियोको भिजुअल पक्ष निकै आकर्षक र रंगीन रहेको छ ।
‘दिलवाली’ एल्बममा समावेश गरिएको यो गीत भ्यालेन्टाइन्स डेको अवसरमा सार्वजनिक गरिएको हो । प्रेमिल भावनाले भरिएको गीतले विशेष गरी युवा पुस्ताको मन जित्ने अपेक्षा गरिएको छ ।
गीतलाई रुद्रसेन क्रिएसन प्रा.लि.को आधिकारिक युट्युब च्यानलमा हेर्न सकिन्छ । गीतले छोटो समयमै दर्शकहरूको सकारात्मक प्रतिक्रिया प्राप्त गरेको छ भने सागर लम्साल र शिल्पा पोखरेलको जोडीलाई भोजपुरी संगीतमा रुचाउने देखिन्छ ।
