एक हप्ताको लागि राप्ती राजमार्गको कपुरकोट-राम्री-तुलसिपुर सडक बन्द

दाङ, वैशाख ८ ।   दाङ तुलसीपुरको राम्रीदेखि सल्यानको कपुरकोट सडक दिउँसोको समयमा दैनिक ५ घन्टा बन्द हुने भएको छ । सडक विस्तार तथा निर्माणको कार्यचलिरहेकाले  आजदेखि १४ गते सम्म  सडक बन्द हुने सडक डिभिजन कार्यालय दाङका प्रमुख डिभिजनल इन्जिनियर (सीडीई) दीपेन्द्रबहादुर विष्टले जानकारी दिए । उनका अनुसार बिहान ११ बजेदेखि बेलुका ४ बजेसम्म सडक खण्ड बन्द गरिने छ ।
  राप्ती राजमार्गअन्तर्गत दाङको तुलसीपुर उपमहानगरपालिका राम्रीदेखि सल्यानको कपुरकोट गाउँपालिकाको कपुरकोट बजारभन्दा  दक्षिणको ४ किलोमिटर सडक मर्मत र  विस्तारको काम भइरहेको छ । तर साना तथा अत्यावश्यक गाडीहरुलाई वैकल्पिक सडकमार्ग पैंयाखोरिया, किमुचौर हुदै कपुरकोट जान सक्ने छ्न । यो समस्या ठुला मालबाहक साधनलाई पर्ने देखिन्छ । b